ورد الجوري الادارة
البلد : المهنه : الجنس : العمر : 33 تاريخ الميلاد : 05/07/1990 تاريخ التسجيل : 23/09/2011
| موضوع: بالك ع الوهم تبنيلك انته امال السبت أكتوبر 01, 2011 6:55 am | |
| بالك عالوهم تبنيلك أنت أمال
ــــــــــ خايف تنصدم من تصحه عالواقع
أرضه أبحالتك وأتقبل المقسوم ـــــــــ ولا تبقى أعله غيرك عينك اتباوع
ولتگول أني وضعي فرق عن الغير ـــــــــ وصير بهذا وضعك قابل وقانع
لان تتعب ابعمرك لا تظن ترتاح ـــــــــ وتالي أتشوف نفسك حاير وضايع
مو حسبالك أنت الناس متساوين ـــــــــ وكلمن تشتكيله الشكوتك سامع
اكو واحد تشوفه أيعجبك امن أبعيد ــــــــــ ومن يحچي أبكلامه أمهذب ورائع
واكو واحد قريب وما تود ملگاه ــــــــــ ومتحس الگلب لمحبته أيطاوع
مو كلشي التريده عالمرام أيكون ــــــــــ دنيا وتلگه بيهه الضار والنافع
ظل صاحب كرامه ولا تطخ الراس ــــــــــ الحد الموت حد ما روحك أتنازع
وكتك ماله صحبه ولا تأمن بي ــــــــــ كل يوم أبشكل تلگاه إلك طالع
من توگع أبشده نادر ابهل يوم ــــــــــ تلگه إلي يجي وعن حگگ أيدافع
حتى التشتريه ابروحك وتفديه ــــــــــ على غفله الودادك بالرخص بايع
صير أبدنيتك صاحب مهابه وزود ـــــــــــ وأتحده الزمن لتصير اله راكع
حرامات العمر تگضيه بس أوهام ــــــــــــ والي يروح منّه إلك ما راجع
| |
|