ورد الجوري الادارة
البلد : المهنه : الجنس : العمر : 33 تاريخ الميلاد : 05/07/1990 تاريخ التسجيل : 23/09/2011
| موضوع: الــــــورد الــمذبـــــــــوح السبت أكتوبر 01, 2011 6:58 am | |
| أنته يل وجهك سمه وچفك أمان أنتَ يل بيك البراءة تخاف من صوت الحنان أنت يا اول منارة تشيدت بين الوجود وجامعك مابيه أذآن.
شرد اكَلك .. وانته بيك الصوت ميّت من زمــان راهنت بورود شعبك .. وربحت بس يا حسافة البيك خسروك الرهان !
بمحكمة سوء التفاهم ... كلشي جائز
حته ذبـح الوردة جائز حته سجن النجمة جائز حته شنق الضحكة جائز
بمحكمة سوء التفاهم .. حته سجان الضماير گام يحكم عالضمير بلاية حاجــز
بمحكمة سوء التفاهـم .. عدنة كلشي بلاية صوتة
وبينة صوت .. شما يغني ؛ يشوف وردة مچفنة كَبالة تفوت
وبينة صوت .. العلّم ابيات الشعر عالحق تموت
وبينة صوت .. قائد أعظم أنتفاظة صوت ضد أهل السكوت .
أنته يل جرحك چبير . انته يا اول ضحية بمعركة بئس المصير انت جرحك گام يكبر .. صار اكبر حته من بيت الامير
وشرد اكَلك حاكموا حته البلابل لأن تضحك للفقير .
واحنه شفنه وما حچينة
شفنة سيف ملطــخ بدم الضمير وشفنة ماي من العطش يحفرلة بير
وشفنة تابوت النزاهه هناك .. ويشيعة الوزير وكلشي شفنة .. وتالي ضعنة
احنة ضعنة .. چيه تركنة اللا وعي يرتب وضعنة ولأن گمنة نشوف بچفوف الورد مزروعة طعنة ولأن گمنة نگول عالفراشة ماظلّ بيهه معنــــــه.
ولأن برگـــاب النخل خنجر زرعنة ..
وتالي رحنة ..
احنه صحنالك تعال وأنته اجيت .. واحنه رحنة
رحنة نفرح بيك بس باكَوا فرحنة ورحنة جبنالك صبح بچفوف ادينة .. وباكَوا خيوط الشمس من خد صبحنة ..
شرد اكَلك انته جرحك صار اكبر من جرحنة شما نمّيل محنة عنك تنتفض مليون محنة .
واحنه رحنة .. لأن راس المال ضاع وخفنة يتطشر ربحنة وانته اجيت .. أي اجيت .. . . واحنة رحنه
| |
|